البترول ....
عبد الله عزام الحارثي
عبد الله عزام الحارثي

ابدا بك ادعيك شافـي علَّـة المعلـول

وعوذ بك من شـرور ابليـس وعيالـه

يا عالم الغيب فاهم مـا العبـاد اتقـول

يا باعث العبد يتحاسب علـى اعمالـه

ياحـي قيـوم تقلـع باقـي الكشكـول

طالت على الشعب هذا المرحلـه طالـه

من بعد ذلحين يا شاعر رسمت الجـول

سجـل هـدف يطـرب الثـوار موُالـه

يقـول عـزام ياتوفيـق حـال الحـول

والبـدع لـوَّل جوابـه طـال منوالـه

والله مَنساه لو حـد قـال لـك منقـول

مَنسـاه لـو يرحـل القايـد وجهالـه

من موقعة بدر يبـداء قافـي المعـزول

كم لي ونا منتظـر مـا بـان مرسالـه

ون غبت فتره وجيزه جيتهـم معجـول

وتقـول مـاذاك مـا ينفـع تزمَّـالـه

ردك على النمر واضح مثل ما بوالهـول

لا غاب منبع صفـى جـوَّك لقصمالـه

واليوم كديت لك صافي نقـي مزمـول

ياشيخ توفيـق حـق الشيـخ دسمالـه

يقول ابو مشعل اصبح عندي المقبـول

ما عـاد لـه قابليـه شانـت اقوالـه

والان بدخل معك في حاصل المحصـول

مآساوي الوضـع زالـه نائبـه زالـه

ياكوز مركوز بـادي لا متـى مفصـول

خطَّك ومن هو سبب فصلـه وعزوالـه

الخط فاضي معك وتقول لـي مشغـول

اقل شي قل لنـا الراحـل مـن اغتالـه

لن ثابت الخط يُغنـي عنَّـه المحمـول

قد كل منهم علـى اذنـه حـط جوالـه

احمد علي قال بآمـرك يأتمـر معقـول

لا والله الا دهـف بـك عطـف منزالـه

كنت البري في بـرآة جاهـل الهنـدول

واصبحت له درع بـل سـوَّاك حمَّالـه

اصبحت تحمل جرايم جيشـه المحلـول

فصَّـل لـك الثـوب وتفنـن بفصالـه

ابين لمن مصلحت من يُقتـل المقتـول

هـذا قتـل ذا وهـذا ويــن قتَّـالـه

مُشرَّد الشعب حد قاعـد وحـد مجـدول

من بـا يعينـه علـى حلـه وترحالـه

على المحطات كم مـن آدمـي مزقـول

مصـدر فتـن بيـن خلـق الله شعالـه

هذا العقاب الجماعي من هـو المسـؤل

عنَّـه ومـن هـي افتعالاتـه وافعالـه

يا رب سالك من احرم شعبنـا البتـرول

والغاز والديـزل احـرم منَّـه اطفالـه

عساه يبقى على فرش المرض مشلـول

ما بيـن لاحـي لاميـت علـى حالـه

من قال دعم السعوديه وصـل مدبـول

ما الدعم كم باتعـدد غيـر مـن شالـه

لو هو نظر لليمن نظره بعرض وطـول

شعب اليمن يا مليـك الشعـب يرثالـه

قل لسعودي ولمريكي الحكى المعسـول

مابا يحطـم طمـوح الشعـب وآمالـه

ما ثورة الشعب لن تدخل فضاء المجهول

تشكيل مجلس رئاسـي ترسـم ابطالـه

بعض العرب يحسب انها دخلت الجندول

كب المقـزول فـلا اتفنصـر بقزوالـه

مجلس لها انتقالـي بالـدول موصـول

كلَّـن يحاسـب لمخراجـه ومدخـالـه

تبقى المواثيق فيهـا سـاري المفعـول

ومعاهـدات الامـم بالفـعـل شغـالـه

والحكم شرع الالـه وسيفـه المسلـول

العدل حكمه وساسـه والقضـاء فالـه

دولة يمن قادمـه والحكـم دول بـدول

الـى يمـن يسعـد ابنـائـه بُعقَّـالـه

والختم صلو على خاتم نبـي مرسـول

ما دمـدم الرعـد فـي تقـدوم همَّالـه

ما امست بروقه تقادح كنَّها المصقـول

والسيل بالـواد يسقـي كـل مسيالـه


في السبت 30 يوليو-تموز 2011 05:37:29 م

تجد هذا المقال في مأرب برس | موقع الأخبار الأول
https://video.marebpress.net
عنوان الرابط لهذا المقال هو:
https://video.marebpress.net/articles.php?id=11182